حشى ماارميك بين النار

يفوق امرك حبيبي ذوق
على طيِّ الورق محتار

لو ان الحرف يمشي فوق
أهنِّي الحرف لاجلك طار

أدور بكون شوقك شوق
واهنِّي الحب لاجلك دار

أنا فكري معاك يروق
ولا تسكت عليك اسرار

محد هزِّ العذر محموق
ولا جاب الزعل له ثار

ترى فينا الوعد مخلوق
حشى غالي الوِفا مدرار

يجيب ارض الحلايا طوق
ويروي زهرك اللي خار

تعوَّدنا الأمل بَه عوق
ونِمنا حلم كِنَّا اصغار

تبينا انعيش واحنا انذوق
خفايا الوقت واللي صار

أنا من دمعتك محروق
حشى ماارميك بين النار