بوح ذاتي - ماهر الذيابي

الشعر فيني من زمان أحاكيه
ماهو حكي نكتبه ثم ٍ نقوله

الشعر فيني له عروق ٍ تساقيه
عدٍ عميق ٍ عارفٍ وش هو طوله

حرفي كتبته فاهمن في معانيه
متسلسل ٍ فكرته وعارف أصوله

أصور افكاري وحاول اخليه
يظهر بأروع صورة ٍ يالخجوله

قل للذي عيت عيوني تراضيه
يشيل قشه ويرحل بكل سهوله

قله تراني عايف ٍ كل طاريه
مليت من كذبه وكثرة فضوله

ياهيه يلي عارف بكل مافيه
وش فيك تمشي وخطوتك لي كسوله

مد النظر وحاول تحدد مواريه
تري العمر روح ولا أنت بحوله

أمس العصر شفتك بعيني تراعيه
ذاك المكان أللي كسته الطلوله

أشوف بعيونك قساه وتجنيه
وحس بسهام المنايا تطوله

هذا العشق مهما تسوي تلاقيه
ماخذ بوسط القلب صوله وجوله

© 2024 - موقع الشعر