...... // ...... ( 2 ) .......... ابو جلعــود - متعب الشمري

قال الذي ينظم من الدر الإلحان
أبيات من نسج الضمير ابتدابه

يعرف ملاوي قافيتها والأوزان
شاعر ورأسه للمعاني كتابه

أليا بغيت الحرف جاني على شان
ليّا قرض قبل أمره قام جابه

أبي امدح الطيب ولو كان ماكان
قريب عندي أو ماليبه قرابه

اللي فرض طيبه يجازى بالإحسان
وشلون عاد إن كان كلٍ درابه

اخص أبو جلعود والفعل برهان
رجلٍ صعد للمرجله وإرتكابه

وبالطيب تشهدله رجالٍ بديوان
في مجلسٍ مايوم يقفل إبابه

والفعل يبقى للرجاجيل ميدان
وهو بالأول دايمٍ في ركابه

يفزع مع اللي ضامه الوقت وانهان
ياقف معه وان كان كايد سرابه

ما أقول بن الطيب يصنعبه إنسان
ولاقول كل الناس فعله تشابه

أقول بن الطيب ساسه كحيلان
ونيس أبوه وطيب ساسه رقابه

العود ساس الطيب والطيب عنوان
لوهو كفو بالطيب عالي جنابه

رده ثناء قلته بسيطه بعرفان
على فعل مخبور شخصك مشابه

وأحلا تحيه ريح عنبر وريحان
لك في ختامه تنتثر لك رحابه

© 2024 - موقع الشعر