يتيمة

يتيمة ليل أنا ابكي وحظي ما صفالي حظ
أبات أحضن دموع الهم تنام بصدري آهاتي"

يا يمة ضايعة وآنا أدور فيك وسط الارض
رغم هذا القدر ياللي خذاك وجاب مأساتي"

يتيمة ف غيبتك يمة تركتيني وغصني غض
أفتش في بقايا الامس عن ذكرى ابتساماتي"

ذكرتي طيحتي لما بكيت وفي يديني شظ ؟
كسرتي من ضلوعك عظم ضمدتي اصاباتي"

يا يمة كبرت سنيني وشلت الهم طول وعرض
وانا مالي سوى ربي يلملم باقي شتاتي"

رحل آبوي من بعدك تركني والشعر يبيض
ابي اوصف حزن قلبي وتخذلني عباراتي"

يابوي الموت سافربك وقدرك لو نكره البعض
ومهما غبت عن عيني تعيش بوسط دمعاتي"

كأن الكون من بعدك على حلمي الكبير انقض
اسير ف بحر من غربة اقاوم موجه العاتي"

بغيت آذكرك لما نجحت وجيت عندك ركض
دموع الفرح من عينك بقت للحين في ذاتي"

أنا قصة يتيمة قيلت ف وسط العزى وانفض
بقيت ف مجلسي وحدي ونيسي صوت صرخاتي"

اشوف الناس تنفيني وصدري بالألم مكتض
مضيت آكفكف دموعي وانزف دمع ابياتي"

يايمة ارجعي تكفين ابي احيا ابي لي نبض
يا بوي آبيك في الدنيا تلملم حزن عثراتي"

حرثت الليل وادري ما بقى يا دمعتي لي حظ
ذريت احلامي العذرى وطفت كل شمعاتي"