إليا متى وانا اتناسا قصة الجرح الأليم
إليا متى واقف واحارب هالزمن دون إعلمي
إليا متى وانا اتحمل غلطة العقل الغشيم
يمناي تنقل بندق وصف الفشق في محزمي
اليا متى وانا ألمح ياعرب وين الفهيم
اليا متى بنادي الصقهان عن درب العمي
اليا متى وانا أتامل عودة الحب القديم
اليا متى وانا انتظر واقف على عرش اقدمي
ياصاحبي ارجع مدام اني على خبرك حليم
لا اشيلها واحطها مابين فمي وإنسمي
شفني وصلتك والعرب مابين رحال ومقيم
اللي اكنه في ضميري يشرحه خط إقلمي
لولاك والله فالهوى ماقول لوبيت ٍ يتيم
يا أصدق قصيدي واجمله الحب يجري في دمي
انا عشقتك من صميم القلب والله العظيم
انكان عشقك زي عشقي يالله ردي واقسمي
لا تجرحيني فوق جرحي تحسبين إني سليم
يكفيني اللي من زمان ٍ راح ياكل فلحمي
اليا متى وانا حليم اليا متى الجرح الاليم
بكره يذكره القصيد ان مت ماطاح إعلمي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين