تـــــرعى الدعيكـــه فاعتقاب النو و اير - متروك بن متعب الفراهدي

من كثر دمع العين حفيا المحاجير
امسيت في صدري فجور هوتبه

صبرت لين الصبر عدى المحاكير
ومافي الضماير عبرة العين جتبه

وياتل قلبي تل غرب على بير
مسس على ملحاء ردوم غدت به

تزعوقت لانه تعدى النواعير
وان جوا يبى يدرونها درهمتبه

علاك ياراعي النهود المزابير
تشدي لبيض شهب الالوان جتبه

بيض الحمام مزينات المواكير
اللي تحت في الحيود لفجتبه

والعنق عنق اللي ترس النهابير
اشبوبة قادت لصيد مشتبه

قادت لها بدقاق صيد مصاغير
ريم على طرق العبال رجحتبه

نوج اليا مقفي ونوج مناحير
واستوكدت حس الونس وسرحتبه

وراعي جديل فوق متنه دعاثير
ذيل الخليف اليا انثفل وكسعتبه

اذيال شقر معسكرات المسامير
ركابها قدم الشليخ نزحتبه

ياشبه عفراء حايل مالها ضير
كم ماقع خال سهومه رعتبه

ترعى الدعيكه فاعتقاب النوواير
ورقايب المشقوق قد صفرتبه

وعيون نجل كن فيها نظر طير
شقراء مع الكار العلا روجتبه

ماتبدي الا في طويل الشناكير
روس سفوات وجوا ظلم طلعتبه

وراعي اشقح يقداه قدم المظاهير
علاه مجمول الحني دوجرتبه

عهدي بهم يوم اجنب العذب يامنير
ومحرنها وادي سبيع نزلتبه

ان كان مقبل وقر الود توقير
منساه لو ان الديار ابعدتبه

وان كان مقفي للمقفي مسافير
لو كان معها القلب عني نحتبه

اخترت لي وضحى تخزر المقاهير
في ماقع نبت الوسوم زفرتبه

واخترت حمرا عينها لاهب الكير
ومحشر ٍ عود الفريد جضعتبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر