درب المحبين

الله من جور همٍ باريٍ حالي
من بين حدب الضلوع مولّعٍ كيره

والعين عن جفنها حلو الكرا جالي
وجرح الهوى في صميم القلب تأثيره

بأسباب غروٍ جماله ماله امثالي
وصايفه مالها بين العرب غيره

العين عين اشقرٍ في روس الاقذالي
حرٍ يسر النظر فالجو تشهيره

والخد براق مزنٍ فالسماء العالي
مزنٍ نشأ بامر خلاّقه وتدبيره

ياداعج العين يابو مبسمٍ حالي
مدري متى الوقت تفرحني تباشيره

حزّة ملاقاك عيّت لاتهيّالي
والهم قامت تخاطفني مناشيره

لو طوّل البعد انا ماأنساك يالغالي
ودرب الحبّين ماتقصر مشاويره