الزواريب - ناصر بن برغش السميري

ياقلب لاتسمع كلام الزواريب
يبون لك عن منهج العز فرقا

هروجهم فيها ظلاله واكاذيب
وقلوبهم من زايد الحقد غرقا

لبسوا ثيابٍ من ثياب الاصاحيب
وللخبث في نيّات الانذال درقا

انجاس ماساروا على منهج الطيب
في غبّة انجاس المخاليق غرقا

عرفتهم فالوقت عقب التجاريب
وراع الردى من جمر ناره تعرقا

مقلّب النيات شين الهناديب
اللّي بهرجه يسرق الناس سرقا

ياهن تبدي لك علوم وتعاجيب
ياحلوا هرجك مير نيّتك زرقا

يوم انت في مشيك بدن العذاريب
ماودّك ان الناس بالعز ترقا

وانا احمد الله باديٍ فالمراقيب
ولا نيب من يتبع ضيا كل برقا

© 2024 - موقع الشعر