أسراب الحمام

الهوى غلاّب .. و العالم نيام
يا بقايا قلبي .. الناس أشتكت .!

لا تصيح و تزعج العالم .. حرام ..!
المحاجر من عنا الدمع .... هلكت

مابقى في مرقب أغصاني .. حمام
طارت أسراب الحمام ... و لاحكت

عانقت روح السماء .. فوق الغمام
و العيون اللي تناظرها .... بكت .!

كل ماشبيت ناري .. بالظلام
الهموم العوج .. بالصدر .. بركت

و كل مالامست .. أطراف السنام
شفت سخف الأرض لاطحت ضحكت !

كل جرحٍ .... يفتح بدربي .... كلام !
و كل خطوة من عمى الحزن سلكت

الليال الموحشة .. والإنهزام
أكذب أن قلت بخفوقي ما أدركت

إلا جتني .. و حرمت عيني المنام
شفّ كفوفي من عنا الحزن فركت

كان تسأل .. وينها .. ووين الغرام
شوفها .. في داخل القلب .. أرتكت

و سافرت يمّ السما روح السلام
و الشجر واقف و يبكي ماسكت

أنت/ تهت و انتهت ... قصّة حمام
لاخذت منّي .. ولا شيء تركت ..!