انتظار - انتظار العتيبي

إيه انتظار اسمي وانا عكس معناي
وأموت لو طول علي انتظارك

ياخذني هاجس غيبتك رايح جاي
وأشواق قلبي ترتوي من مرارك

لو ما الصبر فيني من الصغر وياي
أفقد صوابي قبل يطلع نهارك

لولا غيابك ما أنتظر فيك رجواي
ما هوجس الخافق وعانق مسارك

وكانك سعيد انك عذابي بدنياي
أنا حزينه لجل قلبي بنارك

نار تشب بما حيا داخل حشاي
وتزيد فيني لا سمعت أعتذارك

وكان الغلا عندك له أوقات بحماي
يجي إلى منه دعاه أختيارك

أنا الغلا عندي أجيلك من أقصاي
وأحب قربك وأستريح بجوارك

يا مشغل بالي أنا ارجيك برضاي
وأموت لو طول علي أنتظارك

© 2023 - موقع الشعر