الود ودك - انتظار العتيبي

أقول الشوق لا بده يردك
ولو طول مع الغيبات حدك

وأقول اهلا هلا وأهلين والل
عسى اللي حدني للوصل حدك

تحسب الحب يا حبي جريمه
وضعف أنكره جدي وجدك

حبيبي والهوى بحر وشواطي
سفينه أنت وأمواجه تشدك

تغيب أتغيب وتسافر وتبعد
بعيد وكل ماوجهة ضدك

جفاك وقو هجرانك وصبرك
على فرقاي يا محبوب هدك

اشوف الحب بعيونك وانا درى
رضيت أو مارضيت الود ودك

بأني مالكٍ قلبك وروحك
وأنا نبضك وكل أحساس عندك

أنا ماودي أتكلم وأبين
وأقول الشوق بان وباح سدك

ولا ودي أحسك لو بكلمه
بها شيء عن دروبي يلدك

حبيبي صدق وصدق وصدق
ترى مازاد حبك غير عندك

تعاندني وتبعد عن طريقي
على بالك تناساني ببعدك

على هنك ترفق ياحبيبي
ترى قلبك بيدي مو بيدك

ولو فكرت تجفاني دقيقه
مصير الشوق في لحظه يردك

© 2024 - موقع الشعر