الود ودك ...

اقول الشوق لابده .. يردك
ولو طول مع الغيبات صدك ..!

واقول اهلاً هلا واهلين والله
عسى اللي حدني ل الوصل حدك ..!

تحسب الحب .. يا حبي جريمه
وضعف ٍ انكره جدي .. وجدك ..!

حبيبي والهوى بحر .. وشواطي
سفينه انت .. وامواجه تشدك ..!

تغيب اتغيب .. وتسافر وتبعد
بعيد .. وكل ماوجهة ضدك ..!

جفاك .. وقو هجرانك .. وصبرك
على فرقاي يا محبوب هدك ..!

اشوف الحب ب عيونك وانا ادري
رضيت او ما رضيت .. الود ودك ..!

ب اني مالك ٍ قلبك وروحك
وأنا نبضك وكل احساس عندك ..!

أنا ماودي اتكلم وابيّن
واقول الشوق بان وباح سدك ..!

ولا ودي احسك لو ب كلمه
بها شي ٍ .. عن دروبي يلدك ..!

حبيبي صدّق .. وصدّق وصدّق
ترى مازاد حبك .. غير عِنْدْكْ ..!

تعاندني وتبعد عن طريقي
على بالك ب تنساني ف بعدك ..!

على هونك ترفق يا حبيبي
ترى قلبك ب يدي .. مو بيدك ..!

ولو فكرت تجفاني دقيقه
مصير الشوق .. في لحظه يردك ..!