راح منا رجل يسوى له قبيله

لـ محمد البياضي، ، في غير مصنف، آخر تحديث

راح منا رجل يسوى له قبيله - محمد البياضي

يا دموعي سابقي وبل المخيله
لا تكفى لو يسيل كل وادي

ماارخصك يالدمع في حاجه قليله
وما طلبتك غير في الشي الوكادي

دمعكِ ِياالعين بعد الله وسيله
اذرفينه من بياض ومن سوادي

يمكن يخفف عنا النفس العليله
علتي صابة زمن دإخل فؤادي

راح منا رجل يسوى له قبيله
رجل وضعه بيننا ماهو بعادي

ما يعوضنا بشوفه كم زيله
من على سروج الخيول ولا الشدادي

والمعيض الله وثم من ينتميله
عقب رجآل وبهم طيب وسدادي

ابن عبدآلله من النادر مثيله
دون قاصر فالقراب وفالبعادي

نفقده لاغاب عنا كم ليله
لو ثلاث ليآل قلنا الوقت زإدي

مير هذي غيبه وغيبه طويله
مانشوفه لو بحزإت العيادي

وكيف ما نفقده وفعوله جليله
لا بغيناه انوجد بين الايادي

وكيف ما نفقده وعلومه جزيله
العلوم اللي تشرف كل نادي

وكيف ما نفقده وانا اعرف حصيله
في ربيع وقيض والا فا البرادي

فالعباده رجل ما يبغى دليله
ماسك فيها ولا فيها هوادي

إبن عمي كل ما ضقت اشتكيله
وان سمع شكوإي جا كالنور بادي

وان حضر حل الامور المستحيله
طب للجرح العطيب وله ضمادي

رغم فرق السن من جيلي لجيله
ماشعرت بيوم منه الانتقادي

هو خويي هو صديقي والتجيله
ازبنه لنه يجيب الليّ ينادي

ينتخي فاللازمه لو هي ثقيله
شالها شيله جمل شال العدإدي

فاللزوم يقوم مايومي شليله
محزمه مكروب مشبوب الزنآدي

ما يقصر راعي اللازم يجيله
ياصله لو من ورى الضلعان غادي

يعرف المنقود ويحفظ الجميله
لين يرجعها لهلها بزيادي

وان لفاه الضيف يازين اتهليله
ثم رحب به وهلا به وجآدي

قام في وإجبه جود بدون ميله
من سخاء مافيه قصد ولا مرادي

وقفته بين العرب وقفه مهيله
تفتخر به ناس من كل البلادي

لو يجيله طفل قام وينحي له
التواضع من صفاته والرشآدي

صادق الاحساس واخلاقه نبيله
به خصآل طيبه والطبع هآدي

عالي المقدار ويحب الفضيله
من ضمير حي للخير انقيادي

ذي مزايا من مزاياه الاصيله
فعل قلب وكف ماهو بجتهادي

ومارثيته لجل حنا من فصيله
شاهدي غيري ومن حضر وبوادي

ذا ولد عمي ولا باليد حيله
غير اعد اللي به اقدام وجدإدي

فالنهار اللي به اعلنا رحيله
والمقدر جاه يوم الرب رادي

لونها بالفعل والله ما يشيله
لو نحولها معه حرب وجهآدي

في ظهور الخيل وسيوفِ صقيله
او صواريخ وقنابل والعتادي

ولو انها بالمآل كل دون حيله
والصقور تهد في يوم الهدإدي

واعرف ان كفوفنا ماهي بخيله
واعرف ان نفوسنا دونه تهادي

واعرف ان رجعته رجعه مستحيله
لو تحرينا رجب والا جمادي

لكن الرحمن خآلقنآ كفيله
ويتولاه الولي رب العبادي

غافر ذنوب الملا منجي دخيله
رحمته رحمه عليها الاعتمادي

© 2024 - موقع الشعر