][][ شعري ][][

الشعر رمزن للبداوه من سنين..
والقلب ينبض من عروقه قصايد..

حروفها تحكي شعور الشقيين..
في مجتمع يطلب عليها فوايد..

تنبع من الفطره وتربا على الدين..
وماهي بحاجة درس ولا شهايد..

واللي يسولف بي بوسط الدواوين..
يستاهلون أغلى البيوت الفرايد..

أنا القمر والناس عني بعيدين..
والبعد عنهم كل يوم يتزايد..

شعري كلام الحب من عين لي عين..
وأحساس قلبي بالمحبه محايد..

شعري مثل سيفن يقص المعادين..
تعجب بأبياته جميع العقايد..

والعمر عمري بين عشره وخمسين..
ماصاد عمري بين ذا الخلق صايد..

موال شعري عاصفه للمحبين..
تبرق وتمطر للحبايب قصايد..