][][المحترم يفرض علومن تسليه][][

بالمستوى الراقي وبالناس أجناس..
راعيت لي منهو فرق عن حواليه..

كنه خليط أحساس في معدن الماس..
وكن الأدب طبعن عجز لايماريه..

فكره نموذج حر بسيط نوماس..
فرض أحترامه شي يفرض معاليه..

ياكثرهم حوله ولكن بلا ساس..
طبعه فريدن ياعسى الله يخليه..

يجبر جزيل معزته دون حراس..
يكسر صميم الشك في قولته ليه..

لونحسب الخافي على كيل مقياس..
هو يرتقي اولى المراتب وتاليه..

ماهو قصورن بالبشر بس نبراس..
للي قبل فعله علومه تدليه..

قولي على غيره كفى دق الأجراس..
المحترم يفرض علومن تسليه..