والله ماالومك يالزمان اللي على حالي تجور
وإنّي فلا ألوم السنين اللي تكشّر نابها
لومي على حظ (ن) رماني في شعاب وفي قبور
وإلا أنا وش لي بطلعات الشعاب ودابها؟
دار الزمان ودارت الأيام والدنيا تدور
حتى اتهموني بالخطيّه وألبسوني ثيابها
وأنا وربي ماخطيت ولايجي منّي قصور
وإذ كنت مخطي ياعسى روحي يطول غيابها
ولاغبنّي كثر نجم يبلج الظلما بنور
أثرالبلا إنّه منّي وفيني شهابه جابها
في وقت فيه الحزن يزفا قلبي بغبّ البحور
أي والله إنّه شابني ورموش عيني شابها
الظلم كافر والأماني راحت بسرب الطيور
والأرض قفرا والطيور مهاجره بأسرابها
ولاصفالي غير غصّات من الوقت الجسور
حتى السعاده كنها بوجهي تقفل بابها
أحيان أقول إن المصايب من عظيمات الأمور
وأحيان أقول إن لي جروح(ن) ماحسبت حسابها
ياقل حالي مالقيت اللي على كسري جبور
والعين عيّت لا تنام الليل من ما صابها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.