حلم الليالي

البارحة حلم الليالي طواني
ياليل ياليل الشقا والمعاناه

أبكي ودمع العين حرق وجاني
يحرم عليّ النوم والعين تشناه

سهرت ليلي بالتفاكير أعاني
وأجر صوتي من عنا الوقت عزاه

لقيت داب(ن) في منامي دهاني
داب (ن) عظيم ماحسبت أني ألقاه

والله وثلاث أيمان يعجز لساني
في وصف داب (ن) بالحروف المسماه

ويوم انعطف لي بالنظر مرهفاني
أيقنت باني واحداً من ضحاياه

أصارعه والموت يمه دعاني
ياضعف عزمي معه ياقل جدواه

ثم نهشني نشهةً ماخطاني
زعاف سمه بالشرايين مجراه

من مرقدي فزيت والهم جاني
محتار فكري كل هاجس توراه

هو زين وإلا شين وإلا أمتحاني ؟
وإلا مع الهاجوس فكري تعناه !!

أدخل على الله من صروف الزماني
في حلم ليلاً بالليالي حلمناه