انت يا حلم الليالي - مساعد السوارج

الظلام ورهبته ياخذ من الهم ويصبه
في دروب العاشق اللي كل مشواره مصايب

لا انطفى جرحي همومي في معاليقي تشبه
ولا نزف جرحي ذكرت الضيم وايام النشايب

ويل قلبن لا تقرب للغلا ربي وربه
كنه الروض الفسيح وبالسما بروق وسحايب

تهت في درب الهيام ورحت في عمر المحبه
وان كتب لي معك قصه في عناوين الحبايب

دام قلبي من عرفتك صرت له يا زين طبه
والله انه ما تولع في هوى شقر الذوايب

مثل ما قلبي هواك وحنلك بالقرب لبه
لا تقول انا بعاد اقلوبنا صارت قرايب

لا تضيعني بعيونك والتغنج حب حبه
انت لو تخطي تبسم بالثغر واقول صايب

انت يا حلم الليالي يا الغلا يامن احبه
لا طرت لي ضكتك حاضر بها لو كنت غايب

جعل تبقالي وغيرك وقتي القاسي يذبه
اشعل شموع الوصل والهجر جعله للهبايب

ودام قلبي في ربيعك يا هوى بالي تطبه
اشهد اني في حياتي بالهوى ماني بشايب

© 2024 - موقع الشعر