رفرفي يارايه بالعز ماش احدن جهلها
شرق ولا غرب بالاوطان عالي مستواها
رايه كويت الحبيبه رفرفت باجمل احللها
والقلوب امن الفرح في عيدها رفت معاها
عيدي يالديره اللي عزها من عز اهلها
عن حسود وغدر غدار ٍ وقاها الله وقاها
باحتفال العيد الاكبر نحتفل في محتفلها
دامت افراح الكويت ونورها يوضي سماها
في قيادة حاكم ٍ كل المواقيف احتملها
عاده الطيب ليا بانت مواقيفه حماها
داس راس بليس واخزا زمرته وابطل عملها
يوم فسر عن يمينه صامل الوقفه محاها
ابو ناصر كم حمول ٍ من على متنه حملها
يرتكي لقسى الحمول الكايدات اليا نواها
قايد النهضه وامور الشعب من طيبه كفلها
المواطن والمقيم اليا بغى حاجه لقاها
بالسياسه والفراسه لالقى ميله عدلها
الصحيح اهل العطا تثنى وتشكر في عطاها
بالشجاعه والبراعه قمه العليا وصلها
لجل داره واهلها في حاله و ماله فداها
الكويت الله يديمه طال عمره ماخذلها
نصب عينه حطها واضفى يدينه من وراها
ماسمع لمزخرفين الهرج والخطه فتلها
خطته من مخ راسه تخطي الدوله خطاها
في ثواني لابدت له مشكله يصلح خللها
هو سندها هو سعدها هو فخرها هو حجاها
ورفرفي ياراية ٍ بالعز مابه من جهلها
شرق ولاّ غرب بالاوطان عالي مستواها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.