لاغبت عني ذكرياتك تسلي
اعيش معها بصدق احساس وشعور
مدام وصلك بالهوى ماحصلي
ابقتنع واقول لك روح معذور
طيفك يكفي يابعد كل من لي
مابغى سوى الذكرى الجميله ومشكور
وان جيتني عقب البطا جيت كلي
طبع الوفا بنفوس الاحرار مبذور
مادمت واثق وسط قلبك محلي
وانك على فرقاي ضايق ومجبور
العفو عند المقدره عادتن لي
يللي عطاك الله جمال ٍ من الحور
تمر في بالي و رحب وهلي
وقول عل الوقت وايامنا تدور
عساي احقق غايتي واسفهلي
وجبر عزا قلب ٍ من البين مكسور
وانكان تنشدني وش اللي حصلي
بعلمك والعلم ماهوب محضور
عقبك تراني بالزمان المولي
ماني بلا حي ٍ ولا ني بمقبور
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.