ماقدرت. لـ عبدالله الخشم

ماقدرت - عبدالله الخشم

كل ماحاولت اببعد ماقدرت
انعشت ذكراك نسمات النسيم

ساقني لك صادق الشوق وشعرت
ان مالي بالبشر غيرك نديم

والله اني مثل زينك ماخبرت
من دخل في دنيتك عاش بنعيم

مثل صبري في بعادك ماصبرت
طامع في جنتك مابغى الجحيم

كل مامريت بالبال وخطرت
ابتدا حزن ونزف جرح ٍ قديم

كم ليال ٍ في رجى وصلك سهرت
لين مامل ونفذ صبر الحليم

كان حدتك الليالي وانجبرت
للفراق ووحشه الليل العتيم

لك خفوق ٍ يذكرك لوماذكرت
خافق ٍِ مغرم بحبك مستهيم

رغم كل اللي جرالي ماانكسرت
دام لي مبدا ولي عظم ٍ سليم

ولو تحديت المصاعب وانتصرت
الزمان اللي قسى اكبر خصيم

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.