[أماني] VS [شيرين] - عبدالمجيد أحمد

الحب سنّة في البشر والوفا دين
وأنا وفيت..ولو زماني حداني

ماخنت أماني يوم حبّيت شيرين
لأني لمحت بعين/ شيرين/ أماني

لاصار قلبي مفتقدها من سنين
والوقت في زحمة همومي نساني

أسوق رجلي بس مدري على وين
واسج مع روحي وأضيع بمكاني

وادور الفرحة ولا جتني الين
جاني خبرها..وانتحر بالمحاني

طفلٍ قضى عمره متيّم..ومسكين
على كثر ما انهاه كان يعصاني

هاتي رعودك وأمطري دم ياعين
راحت أماني والبقا في زماني..!

راحت.!وخلّتني هنا بين ثنتين
وشلون بانساها.! أو احب ثاني.!

من بعدها وأنا بليّا عناوين..!
وماغير حزني من بعدها وفاني..!

وصبرت لين الصبر نادى
الله بلاني في هواها وانا شين

وياليت ربي بالهوى ما بلاني
واليوم مثل الحلم جتني تحيين

..يالحن الفرح والاغاني..!
جتني مثل قطر الندى في البساتين

وقلت: ربّي عطاني
يامرحبا واهلين واهلين واهلين

ياغيمةٍ منها ارتوى زعفراني
أنا قتيل الزين لو ماني بزين..

وياويل حالي لا طرا الاسمراني
ياعاذلي والحب كافر بلا دين

وكل شيٍ ما خلا الله فاني
يعني أنا لا صرت ميت من سنين

وعن دروب الحب مالله هداني
تعال أقلك ليش حبيت شيرين

وصرت كلي ملكها في ثواني
لانها تذكرني مرابيع تشرين

ولاني لمحت بعينها عين أماني..!!
عبدالمجيد أحمد الزهراني

مناسبة القصيدة

إن لفظة (تشرين) تعني [البدء] في اللغة السريانية,‏ ولأن الفصول ترتبط عادة بالمطر.. فإن فصل الربيع هو الفصل الذي يلي هطول المطر ونبت العشب الأخضر.. وبذلك فإن شهر تشرين هو الربيع الأول.. فالربيع كما يقال ربيعان: 1/ربيع الأرض في [تشرين]..! 2/ربيع الزمان في [نيسان]..‏!!
© 2023 - موقع الشعر