نـسمه..!! - عبدالمجيد أحمد

الشعر هيّن واصعب الشعر رسمه
متخالطٍ فيها دفا روح والهام

يوم الزمن يمضي والأقدار دسمه
والحظ باسبابه هل الود صيام

والجادل اللي حبها فاق قسمه
حد السما والارض وافاق الاحلام

رسمتها في وجه الأيام بسمه
لين ابتسم لي بالسعد وجه الايام

هي وردة تطرب لها كل نسمه
وهي نسمة تعزف على روحي انغام

واللي لها بالقلب مادري وش اسمه.!
شي يصحي طرف عيني ليا نام

أعذب من وسوم المرابيع وسمه
وأنعم من ورود الروابي والانسام

سألتها عقب الهوى حط وسمه
في نظرة عيوني وفي خط الاقلام

حبيبتي..درب الهوى ويش حسمه..؟
قالت: جنون ودفتر أشعار واحلام..!

الشاعر

مناسبة القصيدة

هي فقط..!!
© 2023 - موقع الشعر