بربك طاوعك قلبك على صدك وذا النسيان ؟
بربك طاوعك أمسك تخليني .. تجافيني ؟؟
بربّك ما تحس اني بدونك عآآاطشن غرقان ؟
وكل أحزان هالدنيا تربّت بينيَ وبيني ؟؟
بربّك قلبك استعصى على قلبي رجاالغفران ؟
وأنا اللي يومِ حبيتك نسيت الدنيا وسنيني ؟؟
أنا أضعف من أطيافك ولا أقوى على الهجران
يمرّ الوقت وشْفاتي على شوقِك تناديني
...
....
(أحبك) يا بعد جرحي وكلي راجعن ندمان
أبي شوفك .. أبي لمحة تبل الشوق في عيني
أبي حسّك ولو يقسى ..وأبي صوتك وكلْ ماكان
وأبي ليله ترجّعلي خفوقن في شراييني
وأمانة لو بيومن جيت.. وقلبي بالشقا ولهان
أبي حضنك يظللني وأبي كلك يسليني
...
....
- أنا مابعت صدقني ورب البيت والفرقان
أنا إنسان كرهت الذل ودسته تحت رجليني -
ودامي طحت من عينك وصرت بحبي لك غلطان
أببعد واطلب الذكرى بعد بعدك تواسيني
أببعد بس في جوفي لهيبن قد غدا بركان
ونا أحلم بكل لحظة تراجع - نظرتك- فيني
يليت اليوم أو بكره ترى تكفيني هالاحزان
واذا تقدر على بعدي بعد أكثر ..دآآويني
وسلامتِك
رنيم الفارسي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.