ودنا بالطيب - علي الزهيري

ياقصيدي انزه انزه وحلق وارتفع
ودي ابدع لي قصيده وانصيها العموم

هاج مكنون الضماير وقامت تندفع
المثايل مثل ما يندفع بحر(ن) لطوم

وقمت اسندها على فوق لجل المستمع
لا يجي فيها انهزاعه ولا شيا يلوم

ولا نطقت الا وانا في كلامي مقتنع
حاسب احساب المسولف ونقال العلوم

ودنا بالطيب لكن فالدنيا بدع
صارو الاصحاب هذا يبيع وذا يسوم

بيض الله وجه رجلا لا شاف ولا سمع
ولو تشب النار من بين ظلعانه كتوم

وسود الله وجه رجلا في اصحابه قطع
ما ترده شيمته في قفا المقفي ذموم

والله ان بعض البشر لا يفيد ولا نفع
وان هرج يا كبر هرجه في المجلس يهوم

مرت(ن) يمدح ومره يسب ويندفع
يضرب المجلس بصدره يدمدمها دموم

ان نصحنا ما سمع وان شرحنا ماقنع
كن مابه فالبلد غيره ايسد الزوم

واختصار السالفه ياهل العرف السنع
القصيده مبتداها موجه للعموم

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر