اول واخير

اول الليل طرف واخره في سراه
والمعنا هواجيسه تجووب الضمير

يسهر الليل يرقب كل نجم بسماه
ماتهملج عيونه طول لليله سهير

ماثنيت العزوم ولا طرى اقول اه
دام قلبي على الدنيا سواتي جسير

اتبع الطيف وارمي كل عمري وراه
دون ما اشعر ليا عرّض عزمت المسير

يكبر الشوق في قلبي وسافر معاه
واسبق الطير ابو جنحان لو هو يطير

لجل اشوفك واريح خافقي من عناه
واجبر الخاطر اللي من عرفته كسير

ماعلى الوقت والايام حلم وطراه
كان مالي من الخفرات مثلك خشير

الله اللي عطاك من البدر من ضياه
وكن بعيوونك الثنتين سيف ٍ شطير

انت نبض لفؤادي وانت زينه حياه
وانت لو افقدك كني سوات الضرير

تجعل الصمت ابلغ من كلام الشفاه
كل ماعانقت انفاس عطرك عبير

لو توايق على قلبي وتكشف غطاه
مارضيت المفارق والتعب والمصير

لو يمر الزمان وتستدير الرحاه
انت الاول بقلبي وانت فيه الاخير