بـعـد حـيي ..!

ياعزوتي يابعد حيي
عامين والبعد طاويني

أهديت لك حب بيديي
من بد كل المزاييني

كنت أحسبك لي متهيي
وش نيتك يامجافيني

القلب عن غيرك معيي
يبيك لو أنت مشقيني

وسهيل ماغاب له ضيي
من غبت متعزبن عيني

يقبلها النوم وتعيي
كن السهر مني وفيني

رد الخبر ياجبل طيي
أن كان للحين شاريني

أنا على الوصل متهيي
ومن شانها صنت رجليني

الصبر باقي له شويي
وألا على الموت يحديني

ياغايتي يابعد حيي
لاتذبحن وأنت تغليني