المسترجلة وبرج المملكة

قمت ارحبه واهلي يوم جتني مقبله
قالت بجلس وانتعرف قلت ممكن واقعدي

قالت وش رايك جميله قلت والله مذهله
فاتنه وفيك النعومه مثل هالورد الندي

وأسألتني عن طبوعي والوصايف بأكمله
قلت عاقل يحب دينه وفي طباعه هدي

شاعر ٍ حده زمانه للقسى واستحمله
مؤمن ٍ يلجى لربه لاغدا حظه ردي

افتخر بفعال ربعي شعار طيب ومرجله
نطرق دروب المراجل مانمله وانشدي

قالت يكفي لا تكمل دام هذا اوله
لاتكمل داخ راسي من كلامك يا جودي

انت عايش في عصور مثل مر الحنظله
قم تطور مايمر الصيف زخات بردي

والله اذهلني كلامه كيف هي ماتخجله
ياكلام ماذكرته هز من ذكره جسدي

نامت البنت بزمنها واصبحت مسترجله
غيرت مجرى حياته واطلب الله تهتدي

بعدها قمت ورحلت وماقدرت استحمله
وعفت "برج المملكه"لو تعدى للجدي