ياصاحبي طالت المده - بنت قبيلتها

ياصاحبي طالت المده
وين انت ياللي مهاويني

ارجع تعدى الصبر حده
ارجع ياسيد السلاطيني

العلم عيا يجي مده
والصبر ماعاد يمديني

اشتاق له يارحم جده
اشتاق صوته يناديني

له منزلن ماحدن قده
ممشاه بين الشراييني

ياناس ودي على وده
ودي بيده في يديني

وش حيلة الي الزمن ضده
ابغى حبيبي ويبغيني

روحي عن الغير منلده
وإلا حضر له بساتيني

ابغيه لو وقفوا ضده
لو مسكني في وسط طيني

ياربي مايطول بصده
يارب يرجع مياديني

يامتى يجي واسكن بجده
واسكن بوسط الحبيبيني

ماهو بحبي لاهل جده
لكن على شان هالعيني

© 2024 - موقع الشعر