ها يازماني ليه كشرت الانياب
وش عاد باقي لك هنا ماخذيته
ها يازماني وين عذرك والاسباب
عاونتهم والراس فيني حنيته
عزيز قوم وذل بعيون الاقراب
زرعت طيب وذل نفسي جنيته
والغلطه اللي سكرت كل الابواب
غلطة قراري تهدم اللي بنيته
حتى ابسط حقوقي عقب غلطتي ذاب
ماغير شعري يجبر اللي وطيته
لاماحسبت لمثل هالموقف حساب
ولاكتبت الشعر من شان صيته
مايلحق الشخص الردي لوم وعتاب
وماينفع المطعون لوه وليته
حطيت من دون الردا ستر وحجاب
والنذل يبطي لاحشا مارجيته
المرجله ماهي مثل صكة الباب
المرجله يالخبل دربن لهيته
المرجله دربن له الرجل طلاب
المرجله ثوبن حشا مااكتسيته
لايازماني فالردا مااحدن غاب
لايازمانن عشت به ماحييته
العمر رحله واخر الرحله غياب
يارب يارحمن دربك وجيته
اغفر لعبدن بالخطا مالي كتاب
حيث ان غيرك خالقي مابغيته
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.