يبست عروق

خل الغياب اللي رحل بك ينفعك
ذاب انتظاري شوق وإحساسك جليد

في غيبتك نبض المشاعر ودعك
يبست عروق ومات من هجرك وريد

أنهيت وقتٍ كان فيني يجمعك
بددت ذكرى الحلم والعمر السعيد

لبست ثوب الحزن لجلك واتبعك
شرعت بيبان النظر لك من بعيد

بعثرت كلك في فضاي واسمعك
صوتٍ يغني للجفا... ويخون عيد

لا أبو الغياب اللي ب أرضه ضيّعك
أرضه ضما والنار بشعابه تقيد

والله معك غايب وعيني تدمعك
لو أني ادري دمع عيني مايفيد