نار الموده

شب نار الموده صوت غالي
مرسله عبر موجات الاذاعه

يبعث اصدق سلامه والتحيه
مرحبا فيك يالصوت المنادي

جا يذكرني بذيك الليالي
يوم قلبي معه مثل الوداعه

ما درى ان الغلا له نار حيه
ما تغير غرامه في فوادي

كم ليله مع ذكراه سالي
لين قلبي اصابه منه راعه

دون خده بدت تسعين نيه
واهجاد المولع واهجادي

يرقد المستريح ولا يبالي
ما شكى من محبيه انهزاعه

وانا خلي غدى غبن عليه
ياهل العرف شاللي بالايادي

رحت انشد وادور لك مجالي
ما لقيت الخبر عند الجماعه

حال دوني ودونك جرهديه
وين اراضيك ياغاية مرادي

كان عقب البطى قلبك نحى لي
يبشر بقلب لك عنده شفاعه

بس منك تراحيب وتحيه
تبعثه لي يالصوت المنادي