أرجوك بس لحظة قبل ما أوادعك
ممكن يدينك بس تلامس يديني
وإن فيه شي(ن) وسط الاعماق يمنعك
خلك معه ياشوق كانه يبيني
أقسم بري البيت,, قلبك ماهو معك..!
أستغفر ألله إن قلت شفته بعيني
شفته ينادي من ورا حدب أضلعك...
كنه يقل لي يا(علي ) أحتويني
خل الزعل ,/ويا/, العتب دام مانعك
عن قلبك أللي يارشا مهتويني
أقبل هلابك سوليفي وأنا أسمعك
خل الغلا ,, يكبر,, مابينك .. وبيني
تدري وش أكبر حلم للورد ,, يجمعك
وتدري وش اللي مانعه ياظنيني
حاول ,,//ولكن.. يوم شافك تمتعك
كنه يقول ,,// أمانتك//,, عانقيني
لك لهفتي مثله ,, وانا ,, في مراتعك
شفني ,,/انا/,, بحضنك واقول احضنيني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين