الغرام .

المحبه عشق ما فيها جماله
والهوى ماحد ٍ شراه ولا شريته

والغلا من صاحبي لا جا مجاله
مثل ما يغليني الصاحب غليته

والوليف الي جذبني في خصاله
غيره من البيض ما والله هويته

ذا الغرام اللي علي أرخى خياله
يحيي عروق الحشى لو كان ميته

مرهف الاحساس والموت بدلاله
ما قبلت بشوف غيره لو لقيته

يشبه من الظبي عينيه و جماله
والمحيانور ربي لاحليته

من طبوعه ريم جافل من ظلاله
والهبوب تذيره لو ما نويته

وان نويت ارميه يبلشني جفاله
لو على المركاز سميت ورميته

الصحيب اللي منعني من وصاله
كم ليل ٍ فالدجى لجله سريته

مقصدي قربه على طول وقباله
ماحصل لي رغم هذا اللي بغيته