قومي إلعبي

قومي إلعبي وارقصي بالسيف يا بنيه
واروي عطش من لفى لدياركم عاني

هزي بسيفك يعين اخشيف ريميه
والليل يرقص مع الأشواق طرباني

ياأعذب من الحب وأشعار الرومنسيه
ياأزكى من الورد جوريه وريحاني

ياأطهر من المزن واصفى من صفى ميه
ياأجمل من أجمل جمالاً جمّل إنساني

قومي إلعبي وأشبكي كفيك بيديه
خليني أنسى قسى وقتي وحرماني

هيلي وميلي بخصراً لاعباً فيه
وخلي الذوايب تناثر فوق الامتاني

وأن طال ليلك نبي نقلبه دحيه
يا وجد قلبي لرقصة حرب جداني

(( هلا هلابك )) هلابك يالسنافيه
(( لا ياحليفة )) نبض قلبي وشرياني

استأذنك والفجر مرسل لنا ضيه
والطير غرّد بصوته فوق الأغصاني

مع السلامة وأنا بوعدك بالجيه
لا نامت اعيون حسادي وعدواني