بيع المشاعر

عزاه يا قلبٍ من الحب ملتاع
قلبٍ عليه الحب هم وفجيعه

جاء يحسبٍ الحب ريفٍ ومرباع
ما يدري ان الهم أصبح ربيعه

وقع ولا حصل نجاةً ومطلاع
الا الهموم الجايره والخديعه

انا نصحته يترك الحب ما طاع
قلبٍ عنيد وصاحبه ما يطيعه

قلت اترك اللي للمواثيق بياع
اللي على نقض المعاهد سريعه

اللي على بيع المشاعر لهم باع
حب المصالح قدموها ذريعه

ناسً تنوع ما عرفنا لها أطباع
صار الكذب والغدر فيهم طبيعه

من حبهم خلاص ميس وملاع
حبً كذا يا ناس ما نستطيعه

حبي وفاء ماهوب لعب وتمتاع
باقي وغيره للفناء والقطيعه

يكفي عرفت ان البشر عدة انواع
نوعا ثمين ونوع ودك تبيعه