بيع واستبدال

أبزرع حرف احساسي وابحصد من ثمره أشكال
بتبهر اذن سامعه وتحلي لسان مرتاده

وابسرد قصة أحزاني تحيّّر كل دمع(ن) سال
لمن لا يعتبر قلبه .. انا العبره يا نشّاده

أنا قلبي من الصدعات أصبح في الجفا تمثال
ولا عادت تأثر فيه طلق الهجر وزناده

ومن سبّة جروحي بالمحبّه .. جر يا موّال
غدا هالشوق فيني شي مثل الضيق معتاده

ألا ليت القلوب أشياء تقبل بيع واستبدال
لا أبدل قلبي المضنون وادفع فوقه زياده

وليت الشوق ضيف وْ ما يبات إلا ثلاث ليال
يسامرني ويطرّّيني ليال العشق وأسياده

وعسى المحبوب شخص آحيّده وآسيّره عالبال
وكل ما شبّت أحزاني طفاها بْديم رعّاده