خلخال الفاتنه

اغتلت (عنق) المشكلة .. غفله على حبال الخيال ..!
لاني أخاف بواقعي .. تعِصف اُمور ٍ ساكنه

يعني أخذتك للسمالأبعد مكان ٍ ما يطال
واستنقد اخطاء الزمن غصب ٍ علي (ما اواطنه)

تدري(شخذني) للبحر ؟! .. رغم المشقّه بالوصال
لاني أحب ليا غَرف عشقي .. يدسّم باطنه

يعني كذا بليا غموض .. أعشق صعيبات المنال
وأغلب خيارات الهوى على يساري راكنه !!

لا ضاق خلخال الأمل .. في ساق تحقيق المحُال
يزداد فتنه .. مثلما (خلخال ساق الفاتنه)

ولو كل حب ٍ بالملا يرمى على كف ِ يكال
تتعب كفوفي مالقت كفَ ٍ لعشقك (يازنه)

تسند (بهامي) (خنصري) .. لو مال وصله واستمال
ولابارك الله بإصبع ٍ .. ياخذ صفات الخاينه ..!

يا هيبة الشوق الكبير .. اترك عناوينك تعال
سلّم على جّد الشرف .. وإسكن ب (بنت ٍ ) ساكنه

ويا فرحَة العمر الشحيح .. عقب الجفا جاك الوصال
يسعد أبو راس الأمل .. ماهاب ياس ٍ رااهنه

ولو طحت بيدين الزمن .. ثم انتثر دمّي وسال
فرقا / بمووت وصورتي ( طير ٍ وفرخه حاضنه ) !!