سالفة قلبين

لا خاطب البرق السما يشكي من عتاب الَرعد
حبيبتي كنّ العتب منّك وعنّي لي أنا ..!!

ولامن سمعتي ضحكهم يمطر على صدر السهَد
هذا الرضا بقلوبنابلّ الخواطر واهتنا

الله أنا (شقدّ) انتهيت أيام صوتك مبتعد
تبين أوصّف لك شقا تبين اوصّف لك عنَا..؟؟

يمّي اجلسي حبيبتي خلّي خيالي يجتهد
هذا الثرى ..؟ قاع الثرى صدر(ن) ٍيمثّل موطنا

والنار ذي (كبد) أجودي ما يوم خفّت بالوقد
تدرين وش تاكل غذا ضلع ٍ تكسّر ما انثنى

وشفتي الظلام ؟ اللي كسااللي قسا يوم انوجد
هذا الزمااان النرجسي عايش على نهج الأنا

لا خالط البرد الأسى منهو يلوم المرتعد..!!
ومنهو يلوم المبتعد والموت لحدوده دنا

حبيبتي وش تنظري ؟ هذي معاميل النكد
دلّه من ظروف وقهر وابريق همّ ٍ متقنا

شوفي شربت ( بيالتي) نصّه ونصّه ما انفقد
ولو طوّلت بي غيبتك تحت الثرى لي مسكنا !!

حبيبتي حبيبتي حبيبتي وش بك بعد ..!!
ليه الدموع اتناثرت خلنا نعيش بوقتنا

يالله مشينا طالبك وكفوفنا برق ورعد
واذا امطرت بأرض الوله نفرح بشوفة وردنا