يــامــا تــمــنــيــت - محمد الصواغ

ياما تمنيت وابطى اللي تمنيته
يموت حلم البشر ومناي ماجاني

يادبرة الله وانا كل شي سويته
اسجها مير عيّت لا تعداني

مابيك والحب لأجل ارضيك خليته
مابيك اصلا ولا ودي بأحد ثاني

مبطي تشوف الغلا فيني ولاجيته
في ذمتك منهو اللي صار غلطاني

فرقا بفرقا مدام القلب هديته
ملعون يا هالغلا تاليه نكراني

ياقلبي اللي على الظيقات حديته
لاهنت يومك مشيت بسلم جداني

من ينوي الصد يبطي ماترجيته
وانكانها بالتحدي لا تحداني

ماشفت قلبي يوم إنه يمك اشقيته
يتعب واقول التعب راحه لخلاني

وإن كان يسعدك دمعي يوم هليته
ماهو عشانك ولا لفلان وفلاني

ابكي على وقتي اللي معك قظيته
لاواخسارة عمر راح وتقفاني

حبك من العام يالغادي تناسيته
لاني بشاره عليك ولا انت شرهاني

© 2024 - موقع الشعر