أهل المدينه يسعدا لله مساهم - حمود الجابري

لولا الغلا في حبهم ماتولعت
أهل المدينه يسعد الله مساهم

أهل الوفاء والطيب من ماضي الوقت
وأهل الكرم والجود يعرف عطاهم

لاهنت يامرسل رسايلك لاهنت
لاهنت يا عَود(ن) مذري ذراهم

يا محزمي يامحتميها ليا جت
هذا كلامي وصله في يداهم

لولا الظروف القاسيه ماتوخرت
يشهد علي الله قلبي غلاهم

ولو كنت غايب ماحضرت وتواجدت
ولو كان جسمي مبعد(ن) عن هواهم

كل المشاعر يابيض الوجه سلمت
سلمتها ربعي وتتبع خُطاهم

غربة زمان أخير من حاجة الوقت
الله يهونها ويستر علاهم

حمود الجابري
© 2024 - موقع الشعر