أشتاقلك في كل لحظه ودقيقه
شوق الغريب اللي تذكر محبيه
له عام غايب والمسافه تعيقه
وده بشوفة دار ربعه وأهاليه
حده زمانه مالقاله طريقه
ماله يغير اللي طراله يسليه
وأشتاقلك من بد كل الخليقه
والشوق من بين المحاني مواريه
بلذة غرامك بلل الحب ريقه
ونظرت عيونك في حبيبك تداويه
لعبت مشاعر باليدين الطليقه
قلبي يصفقله وصدري يحييه
وشوتت غرامك في هدفها دقيقه
صابت شباك القلب وتحكمت فيه
وصحيت في لحظة وضوح الحقيقه
وراحت وعيني من غرامه تراعيه
ناديتها يوم المشاعر رقيقه
وناديتها والأسم بالصدر خافيه
وقفت ولدت بالعيون الغريقه
لدت نظرها لد غالي لغاليه
قالت نعم قلت الجفا من يطيقه
قالت صحيح وكل وضع ومباديه
قلت أعذريني والرفيق أرفيقه
كلمه تعبر عن غلاتك وتاليه
بس أسمحيلي لو سمحتي دقيقه
كلمه بسيطه يمكن الوضع تنهيه
من جامعة حبك كسبت الوثيقه
وكتبت باخرها نهاية مشاريه
حمود الجابري
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.