المطر

الجو ممطر يا حلو ريح المطر
حلو الفياض صوت هالقمريه

حلو السمر لاشب في بيت الشعر
وصفر الدلال بجالته مركيه

والطار يشكي ضاربه من قسوته
كفه يدق وهاجسه مع خيه

ويا زين صوته ع الخيام ايلا هطل
معزوفة نشوى معاني ريه

فيه ومعه سبح ضمير الخاشع
ومن روعته يهتف خفوقه حيه

وبه الصحارى ترتوي عقب الضمى
وكل الخلايق بالثرى معنيه

أحب همسه لا تمادا ورعدت
ذيك الكنوف وبارق شف ضيه

ونه المشاعر كلها تجتاحني
أعشق مزون ذقتها بالميه

هذا المطر في داخلي وحسه
مثل الحنونة في عطاها ليه

لا تسألوني عن سواليف المطر
في كل ذاتي كثرها مطويه