يحدني وقتي

يامل قلب لايع الوقت لايعه
يوم اونس الهوجاس شبت ولايعه

كنيت مابه لين باحت سريرته
عليك ياللي ما تضيع ودايعه

اشوف وقتي ينثني دون رغبتي
يحدني لكن مانيب طايعه

يحدني وانا ادفع الياس بالرجى
لو راح من يمي ينثر وزايعه

مضى من الله حكمة اللوح والقلم
واللي مهو لي ما تجيني نفايعه

وظن لولا ان الامل يدفع الفتى؟؟
نفسه تجي عن مركب العز رايعه

وانا تحزمت المعرفه عن الجهل
نفس ما تعرف جادة العلم ضايعه

منشان اميز عملة الصح والخطا
قدام يوم كاثرات وقايعه

اليا اختلط كذب الاوادم وصدقها
للعلم سيف ما تكذب شرايعه

والعالم الله ما على الله احد علم
ومن غر نفسه ضيع الله سنايعه

اليا عمى الله قلب واحد من العرب
زين له الدنيا وزين بضايعه

حتى ليا منه بدى في مراقبه
واستاسعت قدام عينه صنايعه

يطيح من عال النوايف الى الوطى
طيحة ردا محدن معالج وجايعه

والناس تنظر دورة الوقت فالبشر
واللي ما يعرف ما تعدل هزايعه

ان كان ما قلبه من الوقت علمه
لاعاد يرجي من بعدها فزايعه