يابنت وقتي ثمين ودوم له قيمه
على ثوانيه خلاقي يحاسبني
احسب حساب لوضحه مع مجاهيمه
وادري انها من لحد قبري تقربني
الروح لابد للخلاق تسليمه
في ساعه تهدم اللي كان له نبني
يحدني عن متابع دربك الشيمه
واخاف من واحد فوقي يراقبني
واصد ابي جنه الخلاق ونعيمه
لاتحسبينه صدودي عنك من جبني
يوم البشر صاحيه وعقولها نيمه
انا ضميري على ما فات ينبني
يقول فكر بعمرك وش خواتيمه
في صوره القبر عن دنياك يرهبني
والله لبعد ديارك في ضهر ريمه
الصدر ضايق وجوك ما يناسبني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر