البارحه من نقصها عفت زودها
ليا صار هذا قدحها من زنودها
تلزيت ما ودي على مركب الردى
ولا انا قادر اسنع ردودها
لو عقدت فيها الحبال وتعقدت
حليت صعب اشكالها من عقودها
واعرف كلام الناس وافهم مقاصده
ماغرني بيض المعاني وسودها
لو جابها راع السوالف وجرها
واقسم يبى صدق النوايا وجودها
لابد ما يظهر من الحق شاهده
يطلع عليها شهودها في خدودها
لاشك حنا ما ركضنا ورى الهوى
والنفس ما تفرض علينا حقودها
ندمح ليا صار الزلل من صديقنا
مانلحق الذمه ونكذب عهودها
والارحام نوصلها ونربط حبالها
لو هي ورى الاسماع تضرم وقودها
وان جمعت في حربنا كل حيلها
صرنا لحرب نفوسها من جنودها
واليا اشتكت جور الليالي وشرها
صرنا وقا الارحام عن ما يكودها
وان صار هذا عيبنا ما يضرنا
رح موت من غيض الزعل يا حسودها
علم بها ياسامع العلم واجتهد
واكشف سرايرها وبيح سدودها
بالوجه لاتبدي قفى وش ورى القفى
دار الشرف تنجح وتنجح وفودها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.