على صفحة الخد

اثر غيبتك يا مظنة فوادي على صفحة الخد يبدي اثرها
تسابق دموعي كل ما اذكر محياك

وصوفك مليحه تهيض القريحه لها في قلوب الغلا جاذبيه
ولا لوم قلبي كان حنت عروقه

وانا منوتي غايتي في مرادي عيون الرضا لا رمقني نظرها
واعيش اجمل اللحظات مع بسمة اشفاك

هذا القلب وارسي ملك فوق كرسي تعلى على عرش قلبي هنيه
وانا حر واصبح في يدينك سبوقه

مع الناس طاريك ملحي وزادي والا شفت لك سيره ابحث خبرها
مولع وادور ما يوصل لرؤياك

وانا من زماني فلا زلت اعاني ولا قربك عامل الوقت ليه
الايام من عمر البنادم سروقه

بحور الهوى من تولاه غادي وانا في بحرها رماني بحرها
تمتعت من لذات الايام لولاك

اخذتك هوايه وصرتي غوايه ولا شفت لي من تعطفك نيه
تقفيت يا نو تلاوح بروقه

وانا كان مخطي وحادر بوادي ترى الموجب ان العرب ما اتحقرها
ليا جيت انشد عن عتابك ولاماك

تطيح العباير لبوح السراير وانا عبرتي عند غيرك خطيه
تنهض لعاشق لك مصيره يسوقه