أبي حبك

أنا يا خِلّي أتمنى أصب الحب في كاسك
أبي تشرب وتتهنى وتروي قلبك القاسي

أبي حبك أبي عطفك أبي أستحوذ احساسك
أبي تغمرني بلطفك ولا تجرحلي إحساسي

أبي تسكن بأعماقي لجل ما تِشهر افلاسك
أبي تستثمر اشواقي قبل لا أشهِر افلاسي

أبي لا شفتني تنسى أهلْك وكل جلاسك
أبي تعطف ولا تقسى وتصبح كل جلاسي

أبي تحبسنيّ بحجرك وتنعشني بأنفاسك
أبي ثغري على ثغرك لجل تحلاليّ انفاسي

أبي كِلَّك معَ كِلّي واكون اغلى من لباسك
أبي أشعلك يا خلّي وتحرق وحشة لباسي

أبيك تعود يالغالي قبل لا ينحني راسك
وربي منزلك عالي وعرشك معتلي راسي