أعدمت الشعور

ياخاذل المشتاق بالله مات الشعور
مشاعري بيدي هذي قبرتها

ماباقي الا الذكريات وجملة سطور
اخشى عليها من التلف لا ذكرتها

اوعدك في صمت يحطم صمت القبور
وعهود مع غالي وداعك قررتها

قبل امس لك في خاطري تأثير وحضور
واليوم نفسي لو تمر ما أثرتها

كل السبب فالبارحه أعدمت السرور
أعدام مظلوم شهوده انكرتها

عزاي بالايام صبري ذيك الشهور
وعين على سر المحبه اسهرتها

قلب وثق باهل الغرور وامسى غرور
ورجل معى تايه دروبك سيرتها

وحلم تبنيته وله مديت الجسور
ونفس لاجل كامل رضاك اصخرتها

ضربت لك أصدق مثل مع مر العصور
لكن صادق وقفتي ما قدرتها

ارحل فمان الله عسى لك درب سفور
لا عاد تنشد عن مشاعر قبرتها