ترى الجفا ماهزني ولا ترجيت
لكنها ماذاقت النوم عيني
واحترت انادي لك وادور وحنيت
ماودي افضح سر بينك وبيني
لا قالوا العذال ولهانه.. عييت
ما ابغى التشمت والملامه تجيني
حتى بحلم الليل عن عيني اقفيت..؟!
ياقاسي(ن) ماتعرف بيوم ليني..؟
ما اتذكر اني يوم في حقك اخطيت
واقرب من احساسي ل راحة يديني
قافي تردد في غرام وغنيت
كل الملا شخصك, وشخصك نسيني
من كثر ما اوفي لك وتغدر بي مليت(مليت)
دايم تحاول تزرع الذل فيني
اذكر كلام المصطفى ذايع الصيت
يومه حكا حكي(ن) يفجر حنيني
ما اكرمهن الا سيد(ن) حي او ميت
ويهينهن نذل(ن) عدو مبيني
واليوم تبطي خطوتك لو تقاصيت
ما انت بمضيعني ومدمر سنيني
لاني كريمة اصل مابك تعزيت
شرق وغرب والعلوم بتجيني
وترى الجفاماهزني ولا ترجيت
حتى ولو ماذاقت النوم عيني....

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر